2023 сылга Саха сиригэр анал байыаннай дьайыы 48 кыттыылааҕа социальнай хантараак түһэристэ уонна бэйэ бизнеһин арыйыыга судаарыстыбаттан өйөбүл ылла.
Ол туһунан үлэ миниистирэ Елена Волкова брифиҥҥэ эттэ. «Бу соторутааҕыта СВО кыттыылааҕын дьиэ кэргэнэ национальнай таҥаһы тигиигэ уонна аксессуары оҥорууга ателье арынарыгар соцхантараак ылла», — диэн кини кэпсээтэ.
Мойбизнес14.рф порталга бэйэ бизнеһин тэриниигэ быһаарыылар бааллар, диэтэ миниистир. Холобур, автомастарыскыай эбэтэр кафе арыныы, миэбэли оҥоруу уонна да атын өҥөлөргө.
