Саха сиринээҕи физическай культура уонна спорт министиэристибэтин хамыыһыйатынан олимпийскай уонна олимпийскайа суох спорт көрүҥнэринэн бастыҥ спортсменнары таллылар.
Маны сэргэ спорт адаптивнай көрүҥнэринэн топ-10 бастыҥ атлеттара сүүмэрдэннэ, анал номинацияларынан ааттар билиннилэр, суруйар ЯСИА.
Хамыыһыйаҕа өрөспүүбүлүкэ спортивнай тэрилтэлэрин салайааччылара, спорт бэтэрээннэрэ, спорду суруйар суруналыыстар киирдилэр.
Куоластааһын ньыматынан 10 бастыҥ спортсмен талылынна, туспа адаптивнай көрүҥнэргэ атлеттар быһаарылыннылар.
«Сахаада-спорт» ассоциация туспа хамыыһыйатынан бэйэтин быһаарыытын национальнай көрүҥнэргэ бастыҥнар ааттарын биэриэҕэ.
Кистэлэҥ куоластааһынынан «Лучший тренер», «За служение спорту», «Лучший организатор ГТО», «Лучший общественный спортивный организатор», «Лучший муниципальный район», «Лучший судья», «Лучший спортивный обозреватель» уонна «Меценат года» ааттар хаһаайыттара бигэргэннилэр.
Кыайыылаахтары чемпионнар Баалларыгар этиэхтэрэ, ахсынньы 15 күнүгэр «Триумф» спорткомплекска.
