22 От ыйа 22.07
  • 15°
  • $ 88,02
  • 96,04

Саха сирэ оҕунан ытыыга "үрүҥ көмүс" ылла

17:40, 09 июля 2016
Текст:
Читайте нас на
Яндекс Новости
ЯДВ

«Азия оҕолоро» Оонньуу оҕунан ытыыга бастыҥтан бастыҥнарын от ыйын 9 күнүгэр быһаардылар. Күрэхтэһии иккис күнэ «Туймаада» стадиоҥҥа буолла. 


Күрэхтэһии уолаттарга уонна кырыттарга тус-туспа ыытылынна. Уолаттар ортолоругар бастыҥ ытааччыларынан Уһук Илиҥҥи уокурук спортсменнара буоллулар (кыһыл көмүс), Саха сирэ «үрүҥү» ылла, «боруонса» москваларга тигистэ.

Кыргыттар ортолругар үс бириистээх миэстэ маннык: бастакы — Сибиирдээҕи федеральнай уокурук, иккис — Индонезия, үһүс — Москва.

Саха сирин сүүмэрдэммит хамаандатын тренерэ Александр Филатов бу курдук санаатын үллэһиннэ: «Биһиги биир сыл анараа өттүгэр дьарыгы саҕалаабыппыт. Кытайга түөрт төгүл бэлэмнэнэр тэрээһини ааспыппыт. Оҕунан ытыы көрүҥүн ирдэбилэ элбэх. Ытааччы холку, киэҥ көҕүстээх уонна кытаанах санаалаах буолуохтаах. Долгуйуо суохтаах, өй-санаа өттүнэн бэлэм буолуохтаах. Биһиги үгэс быһыытынан күрэхтэһии буолуон иннинэ Өлүөнэ эбэҕэ, уот, сир иччилэригэр айах тутабыт».

Оҕунан ытыыга барыта 13 хамаандаттан 49 спортсмен кытынна: Бангладеш, Бутан, Индонезия, Казахстан, Монголия, Холбоһуктаах Арабскай Эмираттар, Сирия, Филиппины, Москва, Сибиирдээҕи уонна Уһук Илиҥҥи федеральнай уокуруктар, Саха сирин икки хамаандата.

Следите за самым важным и интересным в Telegram-канале и WhatsApp-группе ЯСИА