УҺук Илин уокурукка уонна дойду да таһымыгар быһыыны ылааһыҥҥа Саха сирэ биир бастыҥ көрдөрүүлээх. Вакцинация көрдөрүүтүнэн, Арассыыйа үрдүнэн Саха сирэ топ-20 бастыҥ регионнар ахсааннарыгар киирэр. Ахсынньы 9 күнүнээҕи туругунан, Саха сиригэр хамсык ыарыыттан быһыы маҥнайгы компоненын 69,13% киһи, Дьокуускай куоракка 72,97% ыллылар.
Ахсынньы 8 күнүгэр РФ бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев Уһук илиҥҥи регионнар баһылыктарын кытта көрүстэ, Саха сирин баһылыга Айсен Николаев буолбут мунньахха сырытта. Манна бары баһылыктар Уһук Илин уокурукка вакцианция хайдах бара турарын ырыттылар. Уопсайынан, уокуругу барытын ыллахха, көрдөрүү дойду уопсай ортот көрдөрүүтүттэн үрдүк (Арассыыйа – 55,4%), ол эрээри 3 регион (Хабаровскай кыраай, Приморскай кыраай, Еврейскэй автономнай уобалас) орто көрдөрүүгэ тиибэтилэр. «УҺук Илин уокурукка ыалдьааһын тэтимэ аччаата диэххэ сөп. Ааспыт сууккаҕа 2267 ыарыһах баара билиннэ. Бу кэнники үс нэдиэлэ иһигэр саамай намыһах көрдөрүү.Онон нэһилиэнньэ өлүүтэ эмиэ сыыйа намтаата«, — диэн Юрий Трутнев бэлиэтир.
