Саха режиссера Илларион Яковлев «Таксист» киинэтэ балаҕан ыйын 7-11 күннэригэр Казахстаҥҥа ыытыллар VII аан дойдутааҕы киинэ фестивалыгар кыттыаҕа. Куонкуруска киирбит 200 сайаапкаттан 17 хартыынаны талбыттар.
Россияттан, Яковлевы таһынан, Сергей Батаев «Параллели» уонна Настя Коркия «Почти весна» үлэлэрэ кыттыахтара.
Куонкурус үс хайысханан ыытыллар: национальнай, аан дойдутааҕы уонна анимационнай. Өссө биир кинорежиссер уонна Саха сириттэн оператор Эдуард Новиков дьүүллүүр сүбэ састаабыгар киирдэ, коллегияны салайыаҕа.
Кини «Царь- птица» киинэтэ 2018 сыллаахха Москубатааҕы норуоттар икки ардыларынааҕы киинэ фестивалын сүрүн бирииһи ылбыта. Ону тэҥэ Россия, Татарстан, Азербайджан, Кыргызстан, Казахстан уонна Соҕуруу Корея бэрэстэбиитэллэрэ үлэлэри сыаналыахтара.
Baqonyr – Казахстаҥҥа аан дойдутааҕы киинэлэр фестиваллара. Кини сэттэ сыл устата дойду кинематографиятын саҥа ааттарын арыйар.
