15 От ыйа 15.07
  • 22°
  • $ 87,74
  • 95,76

Саҥа билсибит киһитин өлөрөн баран эттээбит киһи дьыалата суукка барда

16:06, 16 мая 2016
Текст:
Читайте нас на
Яндекс Новости
ЯДВ

Былырыын муус устар ыйга 54 саастаах киһи сүппүтүн туһунан матырыйаал Силиэстийэлиир уоргаҥҥа киирбит. Бэрэбиэркэ түмүгүнэн өлөрүүгэ холуобунай дьыала тэриллибитэ.


Силиэдэбэтэллэр быһаарбыттарынан, былырыын олунньу ый ортото эр киһи үлэтиттэн тахсан баран сүтэн хаалбыт. Чугас дьоно төлөппүөнүгэр эрийбиттэригэр билбэт киһилэрэ эппиэттээбит.

Балаҕан ыйын 15 күнүгэр Дьокуускай Циолковскай аатынан уулуссатыгар баар хочуолунай дьиэтигэр төбөтө, илиилэрэ, атахтара тус-туспа араарыллыбыт өлүгү булбуттар. Силиэстийэ быһаарбытынан, бу сүппүт киһи өлүгэ буолбут.

Силиэстийэ сирийэн үөрэтиитин түмүгэр биллибитинэн, хочуолунайга олорор киһи өлөрүүгэ кыттыгастааҕа биллибит.

Сүппүт киһилиин бу дьон арыгылаабыттар. Бу олорон: «Арыгыны аҕыйаҕы куттуҥ” диэн мыынан, баайсан туруу буолбут, ол кэнниттэн охсуһан киирэн барбыттар. Буруйданааччы тимир турбаны ылан саҥа билсибит киһитин төбөҕө, онтон иккитэ түөскэ охсубут.

Эмсэҕэлээбит киһи сонно тута өлбүт. Буруйданааччы өлүгү кистииргэ соруммут, сүгэнэн төбөтүн, илиилэрин, атахтарын быһыталаан пакекка укпут уонна хочуолунай муостатын анныгар кистээбит.

Сотору буолан баран бу киһи буруйа суоҕун, хочуолунайга урукку өттүгэр олоро сылдьыбыт атын киһи өлөрбүтүн курдук этэ сатаабыт да, силиэстийэ үлэһиттэрэ киһини кини өлөрбүтүн быһаарбыттар.

Дакаастабыл элбэҕиттэн бу киһи буруйугар билиммит. Билиммэтигэр кини доҕоро, сокуоннай сааһын ситэ илик оҕону күүһүлээн хаайыыга олорор киһи сүбэлээбит.

Силиэстийэ түмүктэннэ, дьыала суукка бэрилиннэ.

Следите за самым важным и интересным в Telegram-канале и WhatsApp-группе ЯСИА