25 Тохсунньу 25.01
  • -48°
  • $ 73,82
  • 83,32

Үс саҥа тутуу үлэҕэ киирэргэ бэлэм

16:01, 11 февраля 2021
Текст:

Тутуу уонна дьиэни кэтээн көрүү управлениета тохсунньуга үс тутуу үлэҕэ киирэргэ бэлэмин бигэргэттэ. Бары докумуоннара бэлэм, СИА-ҕа биэдэмистибэ пресс-сулууспата иһитиннэрдэ. Хаҥаласка уонна Дьокуускайга олорор дьиэлэр, итиэннэ лаборатория эбийиэгэ Таалакааннааҕы сиртэн хостонор баайдаах сиргэ.


Үс эбийиэк тутуута бүппүтүн туһунан анал түмүктүүр докумуону ылла:

Түөрт кыбартыыралаах благоустроеннай олорор дьиэ Тиит Эбэҕэ, уопсай иэнэ 316,2 кв.м. «Комплексное развитие сельских территорий на 2020-2024 годы» бырагыраама чэрчитинэн тутулунна, үбүлээһинэ — 10,1 мөл солк, ол иһигэр федеральнайдааҕы бюджеттан — 9,3 мөл солк, өрөспүүбүлүкэттэн — 810,7 тыһ солк. Манна бюджет эйгэтигэр үлэлиир эдэр исписэлиистэр олохсуйуохтара.

Тоҕус этээстээх элбэх кыбартыыралаах дьиэ бастакы түһүмэҕэ бүттэ. Манна 134 кыбартыыра баар, уопсай иэнэ — 7125,58 кв.м. Сайсаар уокуруга, «78» кыбаартал, Бекетов уонна Лонгинов уулуссаларын быһа охсуутугар, Дьокуускай куоракка баар. Тутааччы «Высота» ХЭТ. Иккис түһүмэҕинэн сылаас, 10 миэстэлээх массыына туруорар сир тутуута былааннанар.

Ленскэй оройуонугар Таалакааннааҕы ньиэп уонна гаас хостуур сиргэ производственнай хааччыйыы баазата тутулунна. Бырайыак быһыытынан дьиэ үс этээстээх, уопсай иэнэ — 1338,36 кв. м. Манна лаборатория үлэлиэҕэ.

0
0
25 января 25.01
  • -48°
  • $ 73,82
  • 83,32