Кузбасска 5200 ыанар ынах киирэр бөдөҥ комплексын тутар буоллулар. Саха сиригэр оннук кыамталаах пиэрмэлэр суохтар эрээри, манныкка майгынныыр тутуллаах хаһаайыстыбалар бааллар.
Кузбасстааҕы комплекс толору автоматика буолар диэн суруйаллар, онно сүөһү аһыыр отун үүннэрииттэн саҕалаан, үүт бородууксуйатын оҥорон таһаарар сыахха тиийэ усулуобуйа тэриллэр. Сылга 20 тыһ тонна үүтү ылар былааннаахтар. 200 үлэ миэстэтэ арыллар.
Бырайыак Кузбасс 2035 сылга диэри социальнай-экономическай сайдыытын программатыгар олоҕурар.
Улахан хотоннору Башкирияҕа бара сылдьан көрбүтүм. Биир аанынан ынах киирэр уонна үүтэ бэлэм бородууксуйа буолан, таараларга ууруллан, массыынаҕа угуллан, маҕаһыыннарга айанныыр. Эмиэ барыта автоматика этэ.
Биһиги хотоннорбутугар тыһыынчанан да буолбатар, элбэх ыанар ынах тутуллар сиригэр дьоҕус сыахтардаахтар. Холобур, Бүлүүгэ бара сылдьан ИП Сидор Ионов комплексын оннукка майгынныахча тэринэн олорорун көрбүтүм. Кыамтата эрэ дьоҕус, хаһаайыстыба тутула кузбасстарга майгынныыр.
Хаартыскаларга ИП Ионов С.И. кэнсиэрбэлэрэ.
