Россия территориятыгар WhatsApp мессенджерынан туттууну хааччахтыахтара суоҕа. Ол туһунан кулун тутар 17 күнүгэр Роскомнадзор пресс-сулууспатыгар сигэнэн суруйар ТАСС.
Пресс-сулууспаҕа иһитиннэрбиттэринэн, WhatsApp-ка тохтобуллар Instagram уонна Facebook (РФ территориятыгар бобуулаах саайтар) арахсыытын кытта сыһыана суохтар. Атын дойдуларга эмиэ батсаапка «сбойбар» буолуталыыллар.
Эрдэ РФ Генпрокуратурата Instagram-ы хааччахтыыр туһунан ирдэбил оҥорбутун кэннэ, Роскомнадзор бу соцситими Россияҕа блоктуур туһунан быһаарыы ылыммыта. Маны сэргэ Генеральнай прокуратура суукка Meta хампаанньаны (Instagram, Facebook, WhatsApp уонна Twitter) экстремистскай тэрилтэнэн ааҕары модьуйбута.
