30 Кулун тутар 30.03
  • -16°
  • $ 92,37
  • 99,53

Росгвардия массыыната өссө элбээтэ

15:00, 17 января 2018
Читайте нас на
Яндекс Новости
ЯДВ

РФ Росгвардиятын федеральнай сулууспатын Саха сиринээҕи управлениетыгар бэлиэ түгэн буолла — сэттэ саҥа массыына эбилиннэ. Массыыналар күлүүстэрин Росгвардия харабыллааһын отделын полицейскайдарыгар туттарыы Дьокуускай куорат Комсомольскай болуоссатыгар буолла. 


Ааспыт 2017 сыл түмүгүнэн, бастыҥ үлэлээх салаанан Чурапчы улууһун харабыллааһыҥҥа отдела буолбут. Бу отдел начальнигын эбээһинэһин быстах кэмҥэ толорор старшай лейтенант Дмитрий Варламовка управление начальнига, полиция полковнига Сергей Челищев «УАЗ Патриот» массыына күлүүһүн туттарда.

Ону тэҥэ, «Лада» массыына күлүүһэ Мэҥэ Хаҥаластааҕы отдел начальнигын эбээһинэһин быстах кэмҥэ толорор полиция майора Леонид Варламовка туттарылынна.

Начальник Сергей Челищев инструктаж ыытан баран, ситиһиилээх үлэни баҕарда.

Тэрээһиҥҥэ харабыллааһын отделын нэрээттэрэ эрэ буолбакка, ОМОН, СОБР анал подразделениелара эмиэ кытыннылар.

Бу туһунан РФ Росгвардиятын федеральнай сулууспатын Саха сиринээҕи управлениетын пресс-сулууспата иһитиннэрдэ.

Следите за самым важным и интересным в Telegram-канале и WhatsApp-группе ЯСИА