21 Тохсунньу 21.01
  • -48°
  • $ 73,82
  • 83,32

Үөрэнээччилэр "Саха ыччатын - промышленноска" бырайыак экспедициятыгар айаннаатылар

15:21, 23 марта 2016
Текст:

«Саха ыччатын — промышленноска» бырайыак чэрчитинэн өрөспүүбүлүкэ араас улуустарыттан талыллыбыт 20 үөрэнээччи экспедицияҕа бу сарсыарда айаннаата. Бырайыагы сылын аайы «Эдэр саас» хаһыат тэрийэн ыытар уонна саҥа саҕалааһыннары тиһигин быспакка киллэрэ турар.


«Сахабыт сирэ кистээн сытыарар байым баайдааҕын, промышленность диэн тугун уонна ол инники сайдыыга ылар суолтатын эһиги билиэх тустааххыт», — диэн оҕолорго туһаайан Саха сирин баһылыгын уонна бырабыыталыстыбатын дьаһалтатын салайааччы Юрий Куприянов эттэ.

асып1

Социальнай уонна көрдөрөр-иһитиннэрэр тиһиктэргэ оҕолор суруйууларыттан, санааларын атастаһыыларыттан дьон-сэргэ сир баайын баһылааһын, туһаҕа таһаарыы туһунан элбэҕи билэрин кини ойуччу тутан эттэ.

асып2

«Саха Сирэ» уонна «Эдэр саас» хаһыаттар хас да сыл ыытар бырайыактара тыа сирин ыччатын промышленноска сыһыарыыга ураты улахан оруоллаах. Бырайыак чэрчитинэн ыытыллар экспедиция хайдаҕын-тугун медиахолдинг кыаҕынан кэпсии-ипсии, сырдата туруохпут», — диэн эттэ «Сахамедиа» генеральнай дириэктэрэ Кирилл Алексеев.

асып

0
0
21 января 21.01
  • -48°
  • $ 73,82
  • 83,32