18 От ыйа 18.07
  • 18°
  • $ 88,09
  • 96,3

Өрөспүүбүлүкэ күнүгэр Бороҕоҥҥо саҥа оскуола сыбаайатын түһэрдилэр

17:08, 27 апреля 2021
Текст:
Читайте нас на
Яндекс Новости
ЯДВ

Өрөспүүбүлүкэ күнүгэр Уус Алдан Бороҕонугар Мүрүтээҕи 2№-дээх орто оскуола сыбаайатын түһэрии үөрүүлээх тэрээһинэ буолла. 450 миэстэлээх саҥа оскуола 2022 сыллаахха үлэҕэ киириэ. Оскуоланы «РусСтрой-89» ХЭТ тутар.


Оскуоланы «Үөрэхтээһин» национальнай бырайыак көмөтүнэн туталлар.

«Мүрүтээҕи 2№-дээх орто оскуола улуус биир кырдьаҕас үөрэҕин кыһата. Оскуоланы хайа төрүттэниэҕиттэн элбэх киһи бүтэрдэ. Үгүстэринэн оскуола киэн туттар. Манна биир санаалаах, иллээх кэлэктиип үлэлиир», — диэн бэлиэтээтэ бырабыыталыстыба бэрэссэдээтэлин солбуйааччы Сергей Местников.

«Көмүс сыбаайаны» түһэрии үөрүүлээх тэрээһинигэр бырабыыталыстыба бэрэссэдээтэлин солбуйааччы Сергей Местников, улуус баһылыга Алексей Федотов, улуус дьокутааттарын Сэбиэтин бэрэссэдээтэлэ Иван Колодезников, улуус баһылыгын солбуйааччы Михаил Борисов, СӨ судаарыстыбаннай сакаасчыт Сулууспатын дириэктэрин солбуйааччы Михаил Черов, «Русстрой-89» ХЭТ дириэктэрэ Руслан Алибеков, Мүрү нэһилиэгин баһылыга Василий Аммосов, оскуола кэлэктиибэ, бэтэрээннэрэ кыттыыны ыллылар.

Следите за самым важным и интересным в Telegram-канале и WhatsApp-группе ЯСИА