25 Тохсунньу 25.01
  • -48°
  • $ 73,82
  • 83,32

Өрөспүүбүлүкэ 100 сылын көрсө 100-тэн тахса тэлгэһэни саҥардыахтара

19:05, 11 ноября 2021
Текст:

Бэҕэһээ, сэтинньи 10 күнүгэр, Ил Дархан Айсен Николаев «Россия 24» ханаалга быһа эпииргэ тахсыбыта. Онно кэпсээбитинэн, сэтинньи 27 күнүттэн Уһук Илиҥҥэ РФ бэрэсидьиэнин боломуочуйалаах бэрэстэбиитэлэ Юрий Трутнев тэлгэһэни оҥорууга улахан бырагырааманы саҕалаабыт.

Ол чэрчитинэн, өрөспүүбүлүкэ 100 сылын көрсө «1000 дворов на Дальнем Востоке» бырайыагынан 121 тэлгэһэ саҥардыллыаҕа. Маныаха 850 мөлүйүөн солкуобай көрүллүөҕэ. «1000 дворов на Дальнем Востоке» бырайыагынан өрөспүүбүлүкэбит 100 сылын бэлиэтиир сылга Дьокуускай сиригэр-уотугар баар эрэ тэлгэһэлэр буолбакка, атын нэһилиэнньэлээх пуунарга эмиэ саҥардыы үлэтэ ыытыллыаҕа. Муниципальнай тэриллиилэр, өрөспүүбүлүкэтээҕи бүддьүөт үбэ көрүллэн, бү үлэҕэ барыта балтараа миллиард солкуобай курдук харчы көрүллүөн сөп. Маныаха саамай сүрүнэ, бырайыагы олохтоохтор тэҥҥэ ырыталлара, сүрүн сакаасчыт быһыытынан буолаллара наада», — диэн Ил Дархан Айсен Сергеевич быһа эпииргэ эттэ. Бырайыак чэрчитинэн, дьиэ таһынааҕы тэлгэһэлэри уонна уопсастыбаннай сирдэри саҥардыахтара. Испииһэги ахсынньы 10 күнүгэр диэри куоластааһыны тэрийэн, эрэгийиэн бэлэмниир. Тэлгэһэлэри кэлэр сыл ыам ыйын 1 күнүттэн сэтинньи 1 күнүгэр диэри оҥоруохтара.

edersaas.ru

0
0
25 января 25.01
  • -48°
  • $ 73,82
  • 83,32