Ааспыт суукка устата Өлүөнэ өрүс мууһа 21 км хамсаан Иркутскай уобалас Киренскэй оройуонун таһыгар Саха сирин кытта кыраныыссаттан 582 км. тэйиччи сиргэ кэллэ. Ити туһунан Уһук Илиннээҕи ЫБММ регионнааҕы кииниттэн иһитиннэрдилэр.
Управление үлэһиттэрэ эппиттэринэн, суукка устатыгар уу таһыма нуорматтан тахсыбат. Саха сирин соҕуруу өттүгэр муус алдьанан эрэрэ бэлиэтэннэ.
Россия ЫБММ тута дьайар бөлөхтөрө, ситэриилээх былаас уорганнара өрүстэр туруктарын күннэтэ кэтииллэр, муус харыыта тахсыан сөптөөх сирдэри чинчийэллэр. Ону таһынан сааскы халаан содула суох ааһарыгар тустаах миэрэлэри ылаллар.
