Владимир Путин бэрэсидьиэн дуоһунаһыгар саҥа болдьоххо киириитин сиэрэ-туома ыам ыйын 7 күнүгэр ыытыллыа диэн Кремльгэ бигэргэттилэр.
Бу ааспыт сэрэдэҕэ Госдуумаҕа сыллата ыытар дакылаатын кэмигэр премьер Дмитрий Медведев бу отчуот бырабыыталыстыба билиҥҥи састаабыгар тиһэх отчуотунан буолуоҕа диэтэ, тоҕ диэтэххэ, ыам ыйын 7 күнүгэр бэрэсидьиэн дуоһунаһыгар киирбитин кэннэ конституцияҕа олоҕуран бырабыыталыстыба бэйэтин боломуочуйатын тохтотуохтаах.
Россия бэрэсидьиэнин быыбара кулун тутар 18 күнүгэр ыытыллыбыта, быыбардааччылар 67,54 % кэлбитэ. РФ бэрэсидьиэнэ Владимир Путин кыайыыны ситиспитэ.
СИА
