25 От ыйа 25.07
  • 21°
  • $ 86,55
  • 94,38

Профессор Виктор Михайлов: Куоластыыргытыгар сайдыыны толкуйдуохха наада

18:01, 05 июня 2020
Текст:
Читайте нас на
Яндекс Новости
ЯДВ

Конституцияҕа көннөрүүлэри киллэриигэ куоластааһын дойду уонна олохтоохтор сайдыыларын түстүөҕэ. Россия дьонун-сэргэтин олоҕун-дьаһаҕын тупсарыыга анаммыт докумуон ылыллар, онон бүгүҥҥү олоҕунан муҥурдаммакка, инникини көрүөххэ наада. ХИФУ профессора Виктор Михайлов санаатын СИА-ҕа кэпсээтэ.


«Үгүс оппозиция күүстэрэ куоластааһын президент болдьоҕун «нуулга» тэҥнээһин тула эрэ ыытыллар диэн санааны соҥнуу сатыыллар. Кинилэр Владимир Путины утарарга эрэ дьулуһаллар. Дьиҥэр, көннөрүүлэр Россия дьонун-сэргэтин олоҕун тупсарыыга туһуланаллар. История кырдьыктыы суруллан хааларын, кыраныыссалар оннуларын булалларын, үлэ уонна дьиэ кэргэн сыаннастара өрө тутулларын ким да утарсыбат. Куоластааһыҥҥа сүрэххинэн эрэ буолбакка, өйгүн-санааҕын эмиэ ууруоххун наада, биһиги Россия сарсыҥҥытыгар куоластыыбыт», — диэтэ Виктор Михайлов.

Кини бэлиэтээбитинэн, чуолкай идеология наада. Профессор санаатынан, бу тыл билигин үөхсүүгэ эрэ туттуллар, сиргэ-буорга тэпсиллибит.

«Дьиҥэр идеология диэн дьону түмэр күүстээх. Урут саастаах көлүөнэни инники олоҕу тутуу сомоҕолуура. Билигин ол суох. Судаарыстыба ханнык эрэ идея баар буоларыгар кыһаллар. Дьон буола турар олоххо оттомноохтук сыһыаннаһыахтаах, онно ыйан-кэрдэн биэриэххэ наада — куоластааһыҥҥа кыттыы эбэтэр кыттыбат буолуу. Инникини толкуйдаан олоҕу-дьаһаҕы тутар кэм кэллэ», — ХИФУ профессора санаатын тириэртэ.

Следите за самым важным и интересным в Telegram-канале и WhatsApp-группе ЯСИА