Ыччат миниистирэ Петр Шамаев Мииринэйгэ бырабыыталыстыба дэлэгээссийэтин кытта сырытта. Кини «Мирные руки ангела» уонна «Мы вместе — Мирный» волонтердар штабтарыгар анал байыаннай дьайыыга баҕа өттүнэн көмөлөһөөччүлэри кытта көрүстэ, ол туһунан «Мирнинский рабочий» хаһыакка сигэнэн ЯСИА суруйда.
Шамаев бэйэтэ бойобуой дьайыы бэтэрээнэ, ол иһин патриотическай иитиинэн дьарыктанар. Кини волонтердарга сыаната биллибэт көмөлөрүн иһин махтанна уонна бу үлэ суолтатын бэлиэтээтэ. «Гуманитарнай көмө чахчы көмөлөһөр, мин ону илэ харахпынан көрбүтүм. Көмөлөһөртөн, дойдубутуттан кэһии тутартан ордук суох», – диэтэ кини.
Мииринэйгэ үлэ үрдүк таһымҥа барара этилиннэ. «Бу үлэҕэ кыттар бары дьоҥҥо бырабыыталыстыба, Ил Дархан ааттарыттан махтанабын. Биһиги уолаттарбыт олохторун харыстыырга чахчы көмөлөһөҕүт», — диэтэ Шамаев.
