Украинаҕа байыаннай операция кэмигэр Арассыыйа балачча элбэх сүтүктэннэ. Бу туһунан Арассыыйа бэрэсэдьиэнин пресс-сэкирэтээрэ Дмитрий Песков Sky News таһаарыытыгар интервью биэрэригэр эппитэ, диэн ТАСС кэпсиир.
«Аармыйабытыгар сүтүк элбэх. Бу биһиэхэ улахан алдьархай», — диэтэ кини.
Песков итинник сүтүктэри учуоттаан туран, «Арассыыйаҕа кыбыстыылаах опеарция буолла дуо?» диэн ыйытыыга, «Суох, ити этии туох буола турарын сыыһа өйдөбүлтэн тахсар», — диэтэ бэрэсэдьиэн пресс- сэкирэтээрэ.
Песков эппитинэн, Арассыыйа былаастара спецоперация чугастааҕы кэмҥэ түмүктэниэҕэ эбэтэр Москва уонна Киев делегацияларын икки ардыларыгар кэпсэтиини түмүктүөхтэрэ диэн эрэнэллэр. Дипломатическай суолунан операцияны түмүктүүрбүт Украинаттан тутулуктаах диэн Кремль бэрэстэбиитэлэ эбэн биэрдэ.
