26 Балаҕан ыйа 26.09
  • 19°
  • $ 73,19
  • 86,89

ПЭМФ-2021. Ил Дархан уонна «Высочайший» ПАУо (GV Gold) тойоно Усуйаана "Күчүһүн" туһунан кэпсэттилэр

СӨ Ил Дархана Айсен Николаев уонна «Высочайший» ПАУо (GV Gold) сэбиэтин бэрэссэдээтэлэ Сергей Докучаев ПЭМФ- 2021 тэрээһинин чэрчитинэн үлэ көрсүһүүтүн ыыттылар. Өрүттэр эрэгийиэн сиригэр-уотугар  кэскиллээх бырайыактары олоххо киллэриини дьүүллэстилэр суруйар https://edersaas.ru/pemf-2021-cherchitinen-k-rs-innikileeh/


Хампаанньа Саха сирин Усуйаана оройуонугар баар «Күчүс» диэн көмүстээх сиргэ хостуур үлэни ыытар быраап  иһин аукциоҥҥа кыттарга бэлэмин туһунан кэпсэтии барда. Экспиэртэр сыаналыылларынан, учаастак элбэх кээмэйдээх кыһыл көмүс саппаастаах. «Күчүс» сири туһаҕа таһаарыы өрөспүүбүлүкэ энергетическэй уонна инфраструктурнай өттүнэн сайдыытыгар көмөлөһүөҕэ, өрөспүүбүлүкэни, чуолаан арктическай оройуоннар социальнай- экономическай сайдыыларын хааччыйыаҕа. Айсен Николаев этэринэн, өрүттэр ааспыт сыл түмүктэрин дьүүллэспиттэр.

Холбоһуктаах бырайыактары олоххо киллэрии былаан хоту  баран иһэр. «Хампаанньа Саха сиригэр геологическай- чинчийэр үлэлэри кэҥэтэр баҕалааҕын, руданы ону тэҥэ кыһыл көмүһү хостооһун кээмэйин улаатыннарар баҕалаааҕын иһитиннэрдэ. Биһиэхэ ити улахан суолталаах. 2013 сылга «Высочайший» хампаанньа өрөспүүбүлүкэ бюджетыгар 400 тыһыынча солкуобай, оттон ааспыт сылга  миллиард аҥарын кэриҥэ солкуобай кэриҥэ нолуогу киллэрбитэ, — диэн эбэн эттэ Ил Дархан. «Высочайший» хампаанньа Саха сирин судаарыстыбаннай уонна уопсастыбаннай диэйэтэлэ Тарас Гаврилович Десяткин кэриэһигэр аналлаах тэрээһиннэри үбүлүүр былааннаах. Өрөспүүбүлүкэ көмүһү хостуур салаата 1970 — 1980 сыллардаахха биллэрдик сайдан уонна дойду үрдүнэн көмүһү хостооһун кээмэйинэн инники күөҥҥэ тахсыбытыгар улахан өҥөлөөх  Тарас Гаврилович Десяткин мэҥэ тааһын оҥорон туруоруу былааннанар.

Санатан эттэххэ, билигин Саха сирин сиригэр-уотугар «Высочайший»ПАУо икки салаата үлэлии сылдьар. Бастакыта —  «Тарыҥнааҕы көмүһү хостуур хампаанньа» («ТЗРК» АХ) Өймөкөөн оройуонугар 3 туонна кэриҥэ көмүһү хостуур. 2020 сылга  1,05 туонна күндү металл хостонно. ТЗРК 900-чэ үлэ миэстэтинэн хааччыйар. Бырайыагы олоххо киллэрии болдьоҕо – 2017-2029 сс. Иккис – Алдан оройуонугар Улахан Кураанах хостуур сиригэр Саха Голд Майнинг  (АУо «СГМ») үлэлиир. Ааспыт сылга  620,7 киилэ күндү металл хостоммут. Хампаанньа көмөтүнэн сир баайын хостуур сир оройуонугар балачча сайдыылаах инфраструктуранан: аэропуордунан, тимир, массыына суолларынан уонна уот ситиминэн хааччыллыбыта.

26 сентября 26.09
  • 19°
  • $ 73,19
  • 86,89