Хой
Атын дьон кыһалҕатын быһаарбакка, бэйэҥ иннигин көрүн. Үлэҕэр эмиэ бэйэҥ киэҥҥин бүтэрэн баран, атыттарга көмөлөс. Эйиэхэ суолталаах соругу биэриэхтэрэ, онун уталыппакка толоро оҕус.
Оҕус
Үлэҕэр мөккүөр таҕыстаҕына, орооһорго ыксаама. Толкуйдаан, анааран баран, сөптөөх быһаарыныыны ылын. Киэһэтин дьоҥҥун кытта атаар, сүрэҕиҥ аҥаарын сүбэтин иһит.
Игирэлэр
Күнүҥ доҕотторгун кытта атаарарга анаммыт. Өрүс, күөл кытыытыгар сынньанар ордук. Оннук сатаммат буоллаҕына, паарка устун дьаарбайыахха сөп.
Рак
Саҥаны саҕалыырга бириэмэтэ кэлбит. Сөбүлүүр дьарыгыҥ дуоһуйууну аҕалыаҕа. Оттон үлэҕэр интэриэһинэй дьону кытта билсиһии күүтэр. Эн иннигэр суолталаах, бэлиэ кэм буолаары турар. Барыта сатанарын туһугар үчүгэйи эрэ санаа.
Хахай
Бүгүн оҥоһуллуохтааҕы сарсыҥҥыга көһөрүмэ. Тапталлааххын кытта кыра мөккүөр тахсыыһы, кыһалҕа дириҥээбэтин туһугар туттунарыҥ ордук. Оттон туохха эмит үөрэниэххин баҕардаргын, суол аһаҕас.
Кыыс
Олоххор улахан уларыйыы буолаары турар. Онуоха барыта сатанарын туһугар эйигиттэн тулуур ирдэнэр. Түмүгэр эн дьүккүөрүҥ сыаналаныаҕа, дьон эйигиттэн элбэххэ үөрэниэҕэ.
Ыйааһын
Ис туругуҥ чөл буоларын туһугар тугу да харыстаммакка түһүн. Сүрэҕиҥ сөбүлүүрүн талан, баҕаҥ хоту инниҥ диэки дьулус. Ити барыта эн инники олоҕуҥ тупсарыгар көмөлөһүөҕэ.
Скорпион
Таптыыр киһилээх буоллаххына, кинини үөрдэр түгэннэ бэлэхтээ. Фантазияҕын үлэлэтэҥҥин сюрпризта оҥор. Оттон соҕотох буоллаххына, доҕотторгун үөрдүөххүн сөп. Үлэҕэр кыра иирсээн баар буолуон сөп, өскөтүн эн ону санааҕар туппатаххына, этэҥҥэ буолуоҕа.
Охчут
Оҥоруохтаах соруктаргын, былааҥҥын сурунан биир-биир толор. Итинник гыннаххына, түргэнник уонна эрэллээхтик инниҥ диэки хардыылыаҥ. Хроническай ыарыыларыҥ биллэриэхтэрин сөп, онон айантан, сыалаах-арыылаах астан туттун.
Чубуку
Соҕотох Чубукулар аҥаардарын көрсүөхтэрин сөп. Эбиэттэн киэһэ урукку доҕотторгун биитэр ааспыт олоххуттан үтүө дьону көрсүөҥ. Үлэҕэр барыта этэҥҥэ, финансовай балаһыанньаҥ тупсуох курдук.
Күрүлгэн
Уруккуттан баҕа санаа оҥостубутуҥ олоххо киирэн үөрдүөҕэ. Ити туоларыгар дьиэ кэргэниҥ көмө буолууһу. Үлэҕэр кэллиэгэлэргин кытта соччото суох быһыы-майгы тахсыан сөп эрээри, түргэнник быһаарыллыаҕа. Онуоха эн кэпсэтиини сатаан ыытар талааныҥ олук буолуоҕа.
Балыктар
Чугас, тапталлаах киһигин кытта бииргэ буоларга анаммыт күн. Ити сойуускутун бөҕөргөтөргө туһалыаҕа. Бу күн буолар – барыта эн илиигэр. Уопсайынан, тулалыыр дьоҥҥор үтүөнү, туһалааҕы оҥоро сатаа.
Аһаҕас источниктан.
