2022 сылтан омук тылыгар биир кэлим эксээмэни туттарыы булгуччулаах буолуоҕа. Оҕо бэриллибит биэс тылтан биири бэйэтэ талар. Ол туһунан Рообрнадзор салайааччыта Сергей Кравцов эттэ диэн, ТАСС иһитиннэрэр.
«»Английскайы туттарабыт дуо?» диэн ыйытыы баар. Тута «Суох» диэн эппиэтииибин. Оскуоланы бүтэрээччи английскай, немецкэй, французскай, испанскай уонна китайскай тыллартан бэйэтэ талар кыахтаах», — диэтэ Кравцов.
Кини иһитиннэрбитинэн, эксээмэн демо-барыла бэлэм, суругунан уонна тылынан чаастарга арахсар.
«Тохсус кылааһы бүтэрээччилэргэ омук тылын туттарыы булгуччулаах буолара былааннаммат. Кинилэр нуучча тылын уонна математиканы булгуччу туттараллар, икки биридимиэти талаллар, ол иһигэр омук тыла эмиэ баар буолуон сөп», — диэтэ Рособрнадзор салайааччыта.
Санатар эбит буоллахха, омук тылыгар эксээмэн суох буолуутун туһунан этиилээх национальнай төрөппүт кэмитиэтэ РФ үөрэҕириигэ миниистиригэр Ольга Васильеваҕа тахса сылдьыбыта. Көҕүлээччилэр санааларыгар, омук тылын туттарыы баҕа өттүнэн барыахтаах.
Министиэристибэҕэ иһитиннэрбиттэринэн, омук тылын билии аныгы үйэ үлэҕэ ирдэбилэ буолар.
