Вице-премьер Ольга Балабкина Томпо улууһугар үлэ сырыытынан Иннокентий Свинобоевка «Саха Өрөспүүбүлүкэтин бочуоттаах олохтооҕо» бэлиэни туттарда, НВК Саха ТГ-ханаала суруйар.
Ат сүүрдүүтүн спордугар Саха АССР үтүөлээх тренерэ, СӨ тыа хаһаайыстыбатын үтүөлээх үлэһитэ Иннокентий Саввич Кэриэс Халдьаайыга олорор. Кини Томпо уонна Мэҥэ Хаҥалас улуустарын бочуоттаах олохтооҕо буолар.
Ону тэҥэ Ольга Балабкина Иннокентий Саввич уонна Вера Константиновна Свинобоевтар бииргэ олорбуттара 75 сыллаах өрөгөйдөөх үбүлүөйдэринэн эҕэрдэлээтэ, кытаанах доруобуйаны, чэгиэн туругу, дьолу, этэҥҥэ буолууну баҕарда.
