25 Тохсунньу 25.01
  • -48°
  • $ 73,82
  • 83,32

Оҕолоох ыаллары өйөбүлгэ көрүллэр үбүлээһин үс сылга 2,7 төгүл улаатта

Үлэ министиэристибэтинэн оҕолоох ыаллары өйөбүлгэ көрүллэр үбүлээһин үс бүтэһик сылга 2,7 төгүл улаатта. Бу сылга «Демография» нацбырайыагынан өрөспүүбүлүкэҕэ 7 млрд солк көрүллэр, оттон «Финансовая поддержка семей при рождении детей» бырайыагынан — 4,9 млрд солк тахса.


Оҕолох ыаллары өйөбүл туһунан үлэ уонна социальнай харысхал миниистирин солбуйааччыта Елена Теплякова «Диалог с властью» биэриигэ «Саха» НКИК ханаалыгар кэпсээтэ.

Үбүлээһин улаатыыта бастакы оҕо төрөөһүнүгэр көрүллэр ыйдааҕы босуобуйа бэриллиитин критерийа уларыйбытын кытта сибээстээх. Манна тиийинэн олоруу кээмэйэ 1,5-тан 2-гэ улаатыннарыллыбыта буолар. Маны сэргэ босуобуйа бэриллиитин болдьоҕо 1,5 сааһыттан 3 сааһыгар диэри уһатыллыбыта киирсэр.

2019 сылтан үһүс эбэтэр онтон кэлэр оҕо төрөөтөҕүнэ ыйдааҕы босуобуйа көрүллэр, өскөтүн ыал ыйдааҕы дохуота 42 тыһ кыра буоллаҕына. 2021 сылга манна көрүллэр үбүлээһин муҥутуур таһымҥа тириэрдиллэр, оҕоҕо көрүллэр босуобуйа үс сааһыгар диэри ананар буолбутунан сибээстээн.

2020 сылга өрөспүүбүлүкэҕэ, атын регионнарга курдук, саҥа миэрэ көрүллэр — үстэриттэн сэттэлэригэр диэри саастаах оҕолорго ыйдааҕы төлөбүр. Бу сылга манна анаан 4 400 мөл солк тыырылынна, СИА биэдэмистибэ пресс-сулууспатыгар сигэнэн суруйар.

0
0
25 января 25.01
  • -48°
  • $ 73,82
  • 83,32