27 Тохсунньу 27.01
  • -48°
  • $ 73,82
  • 83,32

Оҕо быраабыгар боломуочуйалаах Павел Астахов Дьокуускайга кэлиэҕэ

13:12, 04 апреля 2016
Текст:

РФ президенин салалтатынан үлэлиир оҕо быраабыгар боломуочуйалаах Павел Астахов сарсын Дьокуускайга кэлэр.

Бу сырыы чэрчитинэн кини социальнай тэрилтэлэри көрүөҕэ-истиэҕэ, былаас уорганын, прокуратура, уопсастыбаннас бэрэстэбиитэллэрин кытта видеоконференцияны ыытыаҕа.

Астахов күн бастакы аҥаарыгар оҕо дьиэтигэр, оттон «Туймаада» чааһынай оҕо садыгар сылдьыаҕа. Онно оҕону эрдэ сайыннарыы бырагырааматын сүрэхтиэхтэрэ.

Эбиэт кэнниттэн сокуоннай саастарын ситэ илик оҕолорго куттал суох буолуутун хааччыйар педагогическай сэбиэт мунньаҕар видеоконференция ыытыллыаҕа. Онно Павел Астаховы таһынан былаас уорганнарын бэрэстэбиитэллэрэ, учууталлар, уһуйааччылар, төрөппүттэр, муниципальнай тэриллиилэр кэпсэтиигэ кыттыһыахтара.

0
0
27 января 27.01
  • -48°
  • $ 73,82
  • 83,32