29 Кулун тутар 29.03
  • -13°
  • $ 92,26
  • 99,71

Ньурба Хорулатыгар уопсай дьиэ, оскуола, хотон тутуллаллар

14:03, 17 августа 2020
Текст:
Читайте нас на
Яндекс Новости
ЯДВ

Ньурба улууһун Хорула нэһилиэгэр 4 кыбартыыралаах уопсай дьиэ, начаалынай оскуола, 100 ынахха аналлаах хотон (нэһилиэккэ номнуо иккис хотон) тутулла тураллар. Бу туһунан улуус дьаһалтатын пресс-сулууспата суруйар.


Улуус баһылыга Алексей Иннокентьев, ИСУ салайааччыта-улуус баһылыгын тутууга уонна ОДьКХ-ҕа солбуйааччыта Макар Семенов, улуус дьаһалтатын нэһилиэктэри кытта үлэҕэ отделын салайааччытын э.т. Вероника Кириллова уонна улуустааҕы тыа хаһаайыстыбатын департаменын салайааччыта Иван Егоров састааптаах бөлөх бэҕэһээ Хаҥалас уонна Хорула нэһилиэктэригэр сырыттылар. Хаҥаласка мүөттээх ыҥырыалары иитиинэн дьарыктанар Дмитрий Саввиновка пасекатыгар тиийэн үлэтин билистилэр, үүт собуотугар үүтү тутааччы Афанасий Степановы кытта соҕотуопка үлэтэ хайдах бара турарын, инники былааннарын кэпсэттилэр.

Салгыы бөлөх Хорула нэһилиэгэр тутуулары билистэ. Бэдэрээтчиттэр «Масстрой», «Виком» ХЭТ үлэһиттэрэ үлэ хаамыыта тэтимнээҕин, араас кыһалҕалар миэстэтигэр быһаарыллан иһэллэрин эттилэр.

Следите за самым важным и интересным в Telegram-канале и WhatsApp-группе ЯСИА