Кыстыкка киириигэ тыа сирин олохтоохторун сүрүн түбүктэрэ саҕаланнылар, олортон биирдэстэрэ — уhун кыhын устата иhэр мууhу ылан хаhааныы.
Ол курдук, бу күннэргэ Дьиикимдэ нэһилиэгин дьоно-сэргэтэ үксэ муус ылыытынан дьарыктанан эрэр. Сэтинньи 9 күнүгэр нэһилиэк дьаһалтатын үлэһиттэрэ мобилизацияламмыт эр хоhууттардаах икки дьиэ- кэргэннэргэ икки толору бырысыап мууһу «Хотоҕос» күѳлтэн ылан, тиэргэннэригэр аҕалан биэрдилэр.
Сэтинньи 11 күнүгэр, бээтинсэҕэ, сылын аайы ыытыллар, үгэскэ кубулуйбут «Муус шоу — 2022» — нэhилиэк тэрилтэлэрин икки ардыларыгар муус ылыытыгар күрэх буолара күүтүллэр.
Күрэххэ ылыллыбыт муус нэhилиэк аҕам саастаахтарыгар тиксэриллиэҕэ.
«Дьиикимдэ нэhилиэгэ» МТ дьаhалтата.
