19 От ыйа 19.07
  • 17°
  • $ 87,88
  • 96,1

Ньурбаҕа Голландия клубникатын үүннэрэллэр

12:02, 11 августа 2020
Текст:
Читайте нас на
Яндекс Новости
ЯДВ

Ньурба Антоновкатын олохтооҕо, агроном идэлээх Василий Куприянов соцконтракт көмөтүнэн тиэргэнигэр теплица туттан оҕуруот аһын үүннэрииннэн дьарыктаммыт. Былырыын нэһилиэк, оройуон салалтата, депутаттар өйөөннөр, 2 мөл солкуобайга 210 кв миэтэрэлээх сылы эргиччи үлэлиир теплица тутуутун саҕалаабыт. Быйыл муус устар ый бүтүүтуттэн, ыам ыйыттан бастакы аһын — оҕурсуларын, помидордарын, болгарскай биэрэһин ылан саҕалаабыт диэн Ulus.media суруйар.


Василий клубникатын рассадатын Голландияттан интернетынан сакаастаан ылбыт. 1000 уктан тута 780-нун теплицатыгар олордубут. Сорҕотун сэрэххэ туспа туппут. Аны 40 хонугунан оҕуруоччут бастакы хомуурун ыларга бэлэмнэнэр. Теплица иһигэр температура өрүү 25 кыраадыс итии, күн сырдыга, уу кутуута хонтуруолланар.

Ньурба улууһун баһылыгын бастакы солбуйааччы Артур Яковлев урбаанньыт үлэтин кытары билсээри теплицаҕа сырытта. Этэҥҥэ буоллаҕына балаҕан ыйыгар ньурбалар голландия клубникатын амсайыахтара.

Следите за самым важным и интересным в Telegram-канале и WhatsApp-группе ЯСИА