25 От ыйа 25.07
  • 29°
  • $ 86,55
  • 94,38

Николаев-кулуупка доруобуйа харыстабылыгар дьоһуннаах кэпсэтии таҕыста

Хаартыска: ЯСИА сайта
Читайте нас на
Яндекс Новости
ЯДВ

Ахсынньы 20 күнүгэр «Первый» Николаев-кулууп уопсастыбаннай интеллектуальнай киин бастакы мунньаҕа Ийэ уонна оҕо аймах харыстабылын киинигэр Михаил Ефимович Николаев аатын сүгэр саалаҕа буолла.

Мунньахха уопсастыбаннай диэйэтэллэр, М.Е.Николаев аатынан Мэдиссиинэ национальнай киинин үлэһиттэрэ уонна эмтэнээччилэр кытыннылар.

Мустубут дьону Мэдиссиинэ национальнай киинин генеральнай дириэктэрэ Станислав Жирков эҕэрдэлээтэ. Станислав Николаевич өрөспүүбүлүкэ бастакы бэрэсидьиэнэ улахан болҕомтотун нэһилиэнньэ доруобуйатыгар уонна чөл олоҕу тарҕатыыга уурбутун бэлиэтээтэ. Манна даҕатан эттэххэ, бэрэсидьиэн бастакы Ыйааҕа доруобуйа харыстабылын сайыннарыыга аналлаах этэ (1992 сыл тохсунньу 13 күнэ). Генеральнай дириэктэр эппитинэн, инникитин Николаев-кулуупка быраастар уонна эмтэнээччилэр доруобуйа харыстабылын кыһалҕаларын быһаарсыахтара.

Мунньаҕы модератордаан ыыппыт Арассыыйа юристарын ассоциациятын Саха сиринээҕи отделениетын бэрэссэдээтэлэ, юридическай наука доктора Александр Николаевич Ким-Кимэн саҥа киин былааннарын билиһиннэрдэ. Ол иһигэр,  Михаил Николаев бэйэтин кэмигэр көҕүлээбит араас бырайыактарын салайааччыларын уонна сүрүннээччилэрин кытары көрсүһүүлэр, «Азия оҕолоро» Норуоттар икки ардыларынааҕы успуорт оонньууларын аан дойдутааҕы кэмитиэтин бэрэсидьиэнин кытары көрсүһүүлэр уо.д.а. интэриэһи тардыахтара.

Саха сирин бырабыыталыстыбатын бэрэссэдээтэлин солбуйааччы Георгий Степанов интеллектуальнай киин Михаил Николаев көҕүлээн туттарбыт Мэдиссиинэ киинигэр аһыллыбыта кэрэхсэбиллээҕин уонна Ил Дархаммыт Айсен Николаев Михаил Николаев аатын үйэтитэргэ ыйааҕа барыта ситэри туоларыгар эрэнэрин биллэрдэ.

Көрсүһүү кэмигэр Михаил Николаев доҕотторо, биир идэлээхтэрэ, биир санаалаахтара Дмитрий Миронов, Климент Иванов, Матвей Мучин уо.д.а. Михаил Николаевы кытары үлэлээбит кэмнэрин, кини өрөспүүбүлүкэ сайдыытыгар үлэтин-хамнаһын ахтан-санаан аастылар, суруйда «Саха сирэ» сайт.

Следите за самым важным и интересным в Telegram-канале и WhatsApp-группе ЯСИА