24 Тохсунньу 24.01
  • -48°
  • $ 73,82
  • 83,32

Үүнэр көлүөнэ пуондата Майа оҕолоругар Саҥа дьыллааҕы бэлэхтэри туттарда

09:42, 19 декабря 2019
Текст:

Майа сэлиэнньэтигэр олорор доруобуйаларынан хааччахтаах 65 уонна кыаммат дьиэ кэргэнтэн 50 оҕоҕо Үүнэр көлүөнэ пуондата быйыл иккис сылын Саҥа дьыллааҕы бэлэх оҥорон үөртэ.


Майатааҕы олохтоох дьаһалта, дьиэ кэргэн киинэ, улуустааҕы сокуоннай саастарын ситэ илик оҕолорго аналлаах социальнай реабилитациялыыр киин көҕүлээһиннэринэн Саҥа дьыллааҕы бырааһынньык кырачааннаргатэрилиннэ. Манна Үүнэр көлүөнэ пуонда бэлэхтэри туттарда. Оҕолор Моруос Кырдьаҕас уонна Хаарчаана илиилэриттэн бэлэх ыллылар, ону таһынан остуоруйа дьоруойдарын Добряшаны, Ворчуну уонна Олавы көрсөн дуоһуйа оонньоотулар.

“Биһиги Мэҥэ Хаҥаластааҕы сокуоннай саастарын ситэ илик оҕолорго аналлаах социальнай реабилитациялыыр киини кытта 2009 сылтан бииргэ үлэлэһэбит. Онтон бу оҕолорго Саҥа дьыллааҕы бырааһынньыктары “Добрая Якутия” диэн бырайыакпыт чэрчитинэн ыытабыт”, — диэтэ тус сыаллаах бырагыраамалар управлениеларын салайааччыта Сардана Попова уонна оҕолорго кытаанах доруобуйаны, үчүгэйдик үөрэнэллэригэр, куруук үөрэ-көтө сылдьалларыгар, дьоллоох оҕо сааһы баҕарда.

Источник: Майа сэлиэнньэтин сонуннара @mayasonun

0
0
24 января 24.01
  • -48°
  • $ 73,82
  • 83,32