Саха народнай суруйааччыта Софрон Петрович Данилов төрөөбүтэ 100 сылыгар анаан, суруйааччы кэпсээннэринэн тэттик киинэ күрэһэ биллэрилиннэ. Тэрийээччилэринэн Горнайдааҕы кииннэммит библиотечнай ситим уонна П.Д.Аввакумов аатынан Киин библиотека буолаллар. Дьаһал өрөспүүбүлүкэ таһымнаах.
Соруга: Суруйааччы айар үлэтин киэҥник сырдатыы.
Тиэмэтэ: Суруйааччы айымньыларын киинэ жанрын нөҥүө киэҥ араҥаҕа билиһиннэрии.
Ирдэбиллэрэ:
— Күрэскэ республика олохтоохторо сааһыттан тутулуга суох кытталлар;
— Тэттик киинэ хайдах быһыылаахтык уһуллара, идиэйэтэ, көрөөччүгэ тиэрдиитэ — көҥүл;
— Тэттик киинэ кээмэйэ 10-40 мүн.;
— Тэттик киинэ ханнык нэһилиэктэн ыытыллыбытын, айар коллектив: сценарист, режиссер, оператор, сүрүн оруоллар туһунан туспа кылгас быһаарыы сурук ирдэнэр;
— Күрэскэ кыттыы 500 солк. усунуостаах.
Үлэлэри 2022 сыл кулун тутар ыйын киллэрэн туран Киин библиотека berlib@list.ru электроннай почтатыгар «Тэттик киинэ күрэһэр» диэн бэлиэтээн эбэтэр gorny biblioteka инстаграм сирэй «дирегар» тутабыт.
Кыайыылааҕы быһаарыы:
— Киирбит үлэлэр ирдэбилгэ эппиэттиир буоллахтарына, бары Киин библиотека gorny biblioteka инстаграм сирэйигэр, Горнайдааҕы кииннэммит библиотечнай ситим berdlib.saha.muzkult.ru сайтыгар тахсаллар;
— Тэттик киинэ кыайыылаахтарын дьүүллүүр сүбэ быһааран «Бастыҥ режиссерскай туруоруу», «Бастыҥ операторскай үлэ», «Бастыҥ дьахтар оруола», «Бастыҥ эр киһи оруола» номинациялар олохтоноллор.
Түмүгэ:
— Тэттик киинэ күрэһин кыайыылаахтара, кыттыылаахтара саха народнай суруйааччыта Софрон Петрович Данилов 100 сааһыгар анаммыт үөрүүлээх тэрээһиҥҥэ туоһу суруктары, бириистэри тутуохтара.
https://www.instagram.com/p/CWVGHtAsvT5/?utm_medium=share_sheet
