Өрүс уута кэлэн турар буолан Хамаҕатта отчуттара арыыларга киирбэккэ олорбуттара. Ону олохтоох дьаһалта т/х исписэлииһэ Евгения Васильева ll Хомустаах баржатын кэпсэтэн бэҕэһээ өрүс арыыларыгар көстүлэр.
Евгения Васильева маннык билиһиннэрдэ:
— Сарсыарда 10 чаастан саҕалаан отчуттар тиэхиникэлэрин баржанан туораттылар. Икки рейс Бөлөҕөскө, икки рейс Орто Арыыга буолла. Киэһэ Сэдэҥэҕэ уонна Саҥа Арыыга туораатылар. Уопсайа Хамаҕатта нэһилиэгиттэн 21 чааһынайдар, 1 бааһынай хаһаайыстыба туоруур, Никольскайтан 4 чааһынай биригээдэ.
Отчуттар үөрүүлэрэ үксээтэ. Тиэхиникэни туоратыы төлөбүрүн бэйэлэрэ уйуналлар. Хамаҕатта ходуһаларыгар от үлэтэ саҕаланыа.
Мария Винокурова,
Энсиэли
