16 Ыам ыйа 16.05
  • -7°
  • $ 104,68
  • 115,6

Намҥа элбэх кыбартыыралаах дьиэлэри дезинфекциялыыллар

Нам улууһугар кулун тутар 17 күнүттэн, коронавируһу тарҕаппат туһугар, муҥутуур бэлэм буолуу эрэһиимэ олохтоммута. Ылыллар миэрэлэр барыта кэмигэр оҥоһуллаллар.


Сыстыганнаах дьаҥы сэрэтэр, нэһилиэнньэҕэ тарҕаппат туһугар Нам улууһугар суһал штаб тэриллэн үлэлиир. Муниципалитет баһылыга Юрий Слепцов бэрэссэдээтэллээх штаб күннэтэ ылыллыбыт дьаһаллар туолууларын хонтуруоллуур, саҥа соруктары ылынар.

Дойду президенэ Владимир Путин, Ил Дархан Айсен Николаев таһаарар ыйаахтарыгар олоҕуран, итиэннэ тирээн турар быһыы-майгы усулуобуйатынан көрөн үлэ барар.

Бу күннэргэ дезинфекция күүһүрдэ. Элбэх кыбартыыралаах дьиэлэргэ эппиэтинэстээх хампаанньалар уонна анаммыт үлэһиттэр күҥҥэ иккитэ анал химическэй састааптаах эминэн ыстараллар, сууйаллар-сотоллор, диэн «Нам улууһа» МТ пресс-сулууспата СИА-ҕа иһитиннэрэр.

Следите за самым важным и интересным в Telegram-канале и WhatsApp-группе ЯСИА
0
0