Дьокуускай култуура уонна сынньалаҥ пааркатыгар муус устар 1 күнүгэр «Весна в Парке» бырааһынньык буолуоҕа. Дьаһалта иһитиннэрэринэн, бырааһынньык бырагыраамата 13:00- тан 17:00 диэри ыытыллыаҕа.
Бу күн паарка бары көрөөччүлэригэр куонкурустар ыытыллыахтара, кэнсиэр буолуоҕа уонна минньигэс астар, итии шашлык атыыланыаҕа.
Ону сэргэ, «Торопыжка», «Пиратский корабль», «Колокольчик», «Юнга», «Солнышко», «Цепочка», «Лошадки», «Веревочный парк Маугли» уонна «Автопоезд» аттракционнар үлэлиэхтэрэ.
