25 От ыйа 25.07
  • 16°
  • $ 86,55
  • 94,38

Москвичтар «Босхо гектарга» ымсыырбыттар

17:15, 16 февраля 2017
Текст:
Читайте нас на
Яндекс Новости
ЯДВ

Москва, Санкт-Петербург, Екатеринбург олохтоохторо Уһук Илиҥҥэ кэлэн дьиэ туттуохтарын баҕараллар эбит. Бу туһунан edersaas.ru ааҕыҥ.


“Уһук Илиҥҥи гектар” бырагырааматынан күннэтэ ортотунан иккилии тыһыынча сайабылыанньа киирэр, сирдэниэн баҕалаахтартан хас иккис киһи дьиэ туттар санаалаах. Бу туһунан Уһук Илини сайыннарыы министиэристибэтэ иһитиннэрэр.

Сүрүннээн, Москва, Санкт-Петербург, Екатеринбург курдук улахан куораттар олохтоохторо учаастактарын Приморьеҕа, Хабаровскай кыраайга, Сахалиҥҥа, Саха сиригэр ылыахтарын баҕараллар диэн буолар. Сайаапкаласпыттар 15 бырыһыаннара бөлөҕүнэн кэлэн сир быстаран ылар санаалаах. Ол тоҕото өйдөнөр – кэлэктиибинэн сирдэнээччилэргэ олохтоох былаастар суолу оҥорууга, уоту, ууну тардыыга көмөлөһүөхпүт диэн эрэннэрэллэр үһү. Уонна бииргэ тутуһа сылдьар бары өттүнэн барыстаах буоллаҕа эбээт.

Уһук Илиҥҥэ сир уларытан кэлээччилэр кэтэх хаһаайыстыба тэриниэхтэрин, туризмынан дьарактаныахтарын саныыллар эбит.

Санатар буоллахха, бу дьыл олунньу 1 күнүттэн дойду гражданнара, ханна олороллоруттан тутулуга суох, уокурук сиригэр-уотугар биир гектар иэннээх учаастагы биэс сылга болдьохтоон босхо ылыахтарын сөп. Билиҥҥитэ “Уһук Илиҥҥи гектар” бырагырааманан 60-ча тыһыынча сайабылыанньа киирдэ. Онтон үс гыммыт биирэ — атын регионнар олохтоохторуттан.

Следите за самым важным и интересным в Telegram-канале и WhatsApp-группе ЯСИА
Тутаах тыллар