1 Алтынньы 01.10
  • -1°
  • $ 55,3
  • 52,74

Мииринэйгэ сүппүт эр киһини онус хонугун көрдүү сылдьаллар

Мииринэй оройуонугар сүппүт тэллэйдьити көрдөөбүттэрэ номнуо уон хонук ааспыт. Саастаах эр киһи атырдьах ыйын 7 күнүгэр тэллэйдии тахсан баран төннүбэтэх.

Өрөспүүбүлүкэ быыһыыр сулууспатын дааннайынан, атырдьах ыйын 17 күнүгэр, көрдөөһүҥҥэ биэс быыһааччы, волонтердар ону тэҥэ түөрт тиэхиникэ уонна тепловизордаах беспилотниктар тардыллыбыттар.

Биэдэмэстибэҕэ сир аһын хомуйар кэмҥэ дьону көрдөөһүҥҥэ ыҥырыы элбээбитин бэлиэтииллэр. Ол курдук, атырдьах ыйын 16 күнүгэр Дьокуускай куорат Бүлүүлүүр айанын суолугар тэллэйдьиттэр муммуттара. Быыһааччылар тута көрдүү бараннар, муммут дьахатары уонна эр киһини булбуттара.

Следите за самым важным и интересным в Telegram-канале и WhatsApp-группе ЯСИА
0
0