29 Сэтинньи 29.11
  • -33°
  • $ 60,75
  • 63,3

Мииринэйдээҕи техническэй колледж Арассыыйа бырабыыталыстыбатын хаачыстыбаҕа бириэмийэтин ылла

Владимир Березов салайааччылаах Мииринэйдээҕи региональнай техническэй колледжка иккис төгүлүн хаачыстыба уобалаһыгар РФ бырабыыталыстыбатын бириэмийэтин туттардылар, бу туһунан СИА-ҕа тэрилтэ пресс-сулууспата иһитиннэрдэ.

«Биһиги колледжпыт Уһук Илин региоҥҥа маннык үрдүк наҕараадаҕа тиксибит соҕотох үөрэх тэрилтэтэ буолар. Бу өрөспүүбүлүкэ үөрэҕин тиһигин улахан ситиһиитэ буолар. Колледж салалтата уонна коллектива улахан үлэни ыытаннар, маннык үрдүк наҕараадаҕа тигистилэр»,- диэн колледж пресс-сулууспатыгар бэлиэтээтилэр.

Үөрэх тэрилтэтэ бастакы бириэмийэтин өссө 2015 сылга бородууксуйаны уонна өҥөнү хаачыстыбалаахтык оҥорууга үтүө түмүктэрин иһин,  итиэннэ хаачыстыба менеджменин үрдүк таһаарыылаах ньымаларын олоххо киллэрии иһин ылбыта.

Колледж Арассыыйа бырабыыталыстыбатын бириэмийэтин лауреатын ахсааныгар киирбит Саха сирин бастакы тэрилтэтэ буолар.

Следите за самым важным и интересным в Telegram-канале и WhatsApp-группе ЯСИА
0
0