Мииринэй улууһун Арыылаах нэһилиэгэр 60 хара эриэн үүттээх боруода туҥуйдарын аҕаллылар. Сүөһүлэр Иркутскай уобалаһыттан кэлэн, билигин харантыыҥҥа тураллар диэн, СИАҕа ветеринария Департамена иһитиннэрдэ.
Туҥуй бургунастары атырдьах ыйын 20 күнүгэр Лиэнскэйгэ диэри уунан, онтон Арыылаахха диэри анал массыынанан аҕаллылар.
Арыылаахтааҕы «Сахаплемобъединение» бу иннинээҕи сүөһүлэрэ симментал боруодалаахтар этэ. Саҥа кэлии бургунастар үүт боруодалаахтар. Сылга ортотунан 3500 кг., племенной хаһаайыстыбаларга 5000 киилэҕэ диэри үүтү биэрэр кыахтаахтар. Үүт сыата 3,7-3,9%.
Билигин кэлии сүөһүлэр булгуччулаах харантыыҥҥа тураллар.
