19 Тохсунньу 19.01
  • -48°
  • $ 73,82
  • 83,32

Мэҥэ Хаҥаласка кэлиҥҥи биэс ыйга 190 оҕо төрөөтө

2016 сыл биэс ыйын түмүгүнэн улууска 190 кырачаан: 102 уол уонна 88 кыыс, ол иһигэр икки игирэлэр күн сирин көрбүттэр.


Дьиэ кэргэн дэкээдэтин чэрчитинэн ыам ыйын 17 күнүгэр Майатааҕы оройуоннар икки ардыларынааҕы төрүүр дьиэттэн 6 ийэ кырачааннарынаан үөрүүлээх быһыыга-майгыга дьиэлэригэр-уоттарыгар атаарылыннылар.

Эдэр ийэлэри төрүүр дьиэ сэбиэдиссэйэ Зоя Москвина,улуустааҕы ыччат уонна дьиэ кэргэн управлениетын салайааччыта Константин Захаров, дьиэ кэргэн отделын салайааччыта Ирина Назарова, Мэлдьэхси нэһилиэгин баһылыга Владимир Шарин, Хара нэһилиэгин баһылыга Дария Назарова, Холгума нэһилиэгин баһылыга Гаврил Ефимов, «Майа сэлиэнньэтэ» МТ баһылыгын солбуйааччы Ким Нестеров, «Аллараа Бэстээх бөһүөлэгэ» МТ баһылыгын солбуйааччы Георгий Осипов эҕэрдэ тылларын анаатылар, оҕолор этэҥҥэ улаатаннар, дьиэ кэргэттэригэр, улууска, өрөспүүбүлүкэҕэ туһалаах дьон буола үүнэллэригэр алгыстарын эттилэр уонна эдэр ыалларга улуус баһылыга Николай Старостин, оройуоннар икки ардыларынааҕы төрүүр дьиэ кэллэктиибин, нэһилиэктэр дьаһалталарын ааттарыттан бэлэхтэрин туттартаатылар.

Холгуматтан Татьяна уонна Харитон Поповтар, Мэлдьэхси эдэр дьиэ кэргэнэ Ирина уонна Роберт Михайловтар, Бүтэйдээхтэн Ньургуйаана Павлова уонна Николай Захаров, Хараттан Мария Захарова уонна Иван Григорьева үһүс, Майаттан Мария Григорьева уонна Дмитрий Кириллин бастакы, Аллараа Бэстээхтэн Мунира Абрихаминова уонна Улан Маматов иккис оҕолорун күн сирин көрдөрбүттэр.

Эдэр аҕалар ааттарыттан Харитон Попов кэргэнигэр кыыс оҕону бэлэхтээбитигэр, төрүүр дьиэ бары үлэһиттэригэр, улуус, нэһилиэк салалтатларыгар махталын тиэртэ. Холгума баһылыга Гаврил Ефимов Поповтар дьиэ кэргэттэрин нэһилиэккэ биир тарбахха баттанар ыал, «Бастыҥ уһаайба» куонкурус кыайыылаахтара буолалларын эттэ. Оттон Мэлдьэхси нэһилиэгин баһылыга Владимир Шарин Михайловтары нэһилиэк олоҕор биир көхтөөх ыаллар быһыытынан сыаналаата уонна быйыл Мэлдьэхсигэ тоҕус оҕонон элбээбиттэрин туһунан үөрэ-көтө кэпсээтэ.

0
0
Тутаах тыллар
19 января 19.01
  • -48°
  • $ 73,82
  • 83,32