24 Тохсунньу 24.01
  • -48°
  • $ 73,82
  • 83,32

Мэҥэ Алдан агрооскуолатын оҕурсута атыыга таҕыста

Мэҥэ Алдан агрооскуолатын быйылгы былаана 5 гектарга хаппыыста, 4 гектарга хортуоска, биирдии гектарга свекла уонна моркуоп олордуута. Ону таһынан уопсайа 1 тыһыынча квадратнай метр иэннээх теплицэлэргэ помидор, биэрэс, оҕурсу, арбуз уо.д.а. үүннэрии.


ог2

Оҕурсуларын ТСХ суорду кулун тутар саҕаланыытыгар олордубуттар. Бастакы үүнүүлэрин кыһыҥҥы теплицэттэн муус устар 11 күнүгэр хомуйбуттара. Билигин теплицэ иһигэр балачча элбэх оҕурсу үүнэн турар.

ог1

Билигин помидор, биэрэс, сибэккилэр стэрин наардааһын кэмэ. Бары хабыллаллар. Ол курдук учууталлар 100-т горшокка үнүгэстэри наардаан олордоллор, эр дьон буору дьааһыктарга таһаллар. Оҕолор үлэ уруогар көмөлөһөллөр. Стэри эмиэ атыылыыллар.

Татьяна Ордахова, директоры производственнай часка солбуйааччы:

— Оҕурсубутун куруутун буоларын курдук атыылыахпыт, сыаната ырыынак быһыытынан. Сыл аайы араас сайыҥҥы уонна кыһыҥҥы сибэкки, оҕуруот астарын үнүгэстэрин атыылыыбыт. Бэйэбит сэлиэнньэбит, аттынааҕы Кириэс Халдьаай, улус киинин – Хандыга олохтоохторо ылаллар. Сайыҥҥы кэмҥэ оҕолор лааҕырдарга сылдьан үлэлииллэр. Сыыс оттору хомуйаллар, буору көбүтэллэр, хортуосканы көмөллөр. 3 сезон үлэлээччилэр. Лааҕырдар үлэлэрин тэрийэргэ оройуон дьаһалтата куруутун көмөлөһөр, быйыл да оннук буолуо.

ог0

0
0
24 января 24.01
  • -48°
  • $ 73,82
  • 83,32