Кулун тутар 29-30 күннэригэр “Модун” спорт уораҕайыгар “Мас уустарын тойуга» II Өрөспүүбүлүкэтээҕи мас оҥоһуктары оҥорор маастардар бэстибээл-күрэҕэ ыытыллар.
Улахан тэрээһин Улуу Кыайыы 80 сылыгар, Ийэ дойдуну көмүскээччи сылыгар уонна Саха Өрөспүүбүлүкэтигэр култуура эйгэтигэр мэҥэ өйдөбүл сылыгар ананар.
Тэрийээччилэр: Саха Өрөспүүбүлүкэтин бырабыыталыстыбата, Саха Өрөспүүбүлүкэтин култуураҕа уонна духуобунай сайдыыга министиэристибэтэ. Бэстибээл-күрэх тэрийээччилэрэ: «Чороон» норуот уус-уран оҥоһугун харыстыыр уонна сайыннарар киин, “Кыл Саха” төрүт дорҕоон бөлөҕө, “Чороон ХХІ үйэ», Баһылай Манчаары аатынан Өрөспүүбүлүкэтээҕи спорт национальнай көрүҥнэрин киинэ, “Айар уустар” креативнай индустриялар кэллиэһэ, СӨ Уустар сойуустара уонна Ох саа федерацията.
Икки күн устата сахалыы үгэһи тутуһан маастардар чороон уонна кытыйа, саха ох саата, сылгы кылыттан оҥоһуллубут струнаалаах кылыһах-кырыымпа оҥоруутугар күрэхтэһиэхтэрэ. Тэрээһиҥҥэ түмэл экспонаттарын быыстапката туруо, маастар кылаастар ыытыллыахтара, мас оҥоһуктар атыыланыахтара, “Кыл Саха” төрүт дорҕоон бөлөҕө уонна Саха Өрөспүүбүлүкэтин норуот маастара, виртуоз-муусукаана Руслан Габышев кыл кылыһахха уонна ох сааҕа сахалыы матыыптары толоруохтара.
Ытыктабыллаах Дьокуускай куорат олохтоохторун уонна ыалдьыттарын «Мас уустарын тойуга» бэстибээл-күрэҕи илэ хараххытынан көрөн-истэн, сэргээн кыттыыны ыларгытыгар ыҥырабыт!
Тэрийээччилэр:
1. Чороон, кытыйа — Лопатин Афанасий Петрович — 89142666353.
2. Саха ох саата — Готовцев Роман Ильич — 89246611986.
3. Кылыһах-кырыымпа — Томская Анна Ивановна — 89241652212.
