Атырдьах ыйын 1 — 31 күннэригэр нэһилиэнньэ социальнай көмүскэлигэр анаммыт Мария Нартахова аатынан судаарыстыбаннай бириэмийэҕэ сайаапкалары хомуйуохтара. Ол туһунан регион салалтатын пресс-сулууспата иһитиннэрдэ.
Бириэмийэ социальнай көмүскэлгэ, социальнай хааччыйыыны тэрийиигэ, ыарахан балаһыанньаҕа түбэспит оҕолорго өйөбүл миэрэтин оҥорууга сүдү көрдөрүүлэрдээх дьоҥҥо туттарыллар. Наҕараада Мария Нартахова аатын сүгэр, кини бэйэтин кэмигэр Саха сиригэр социальнай-экономическай сайдыыга улахан кылаатын киллэрбит киһинэн биллэр.
Бириэмийэ суумата 500 тыһ солк, биир киһиэхэ эбэтэр кэлэктиипкэ туттарыллыан сөп.
Кэлэктиипкэ бэриллэр түбэлтэтигэр хас биирдии чилиэнэ диплом, бэлиэ тутар, харчыта түҥэтиллэр.
Бириэмийэ Ил Дархан Айсен Николаев ыйааҕынан бигэргэммитэ.
