Өймөкөөнтөн Лондонҥа айаннаан иһэр аттары аара суолга бэтэринээрдэр көрөллөр. Тохтоон сынньанан ааһар улуустарыгар аттар туруктарын хайаан даҕаны анал исписэлиистэр бэрэбиэркэлииллэр.
Саха сирин олохтоохторо Дугуйдаан Винокуров уонна Мичил Неустроев, Саха аттарын көлөлөнөн, Өймөкөөнтөн Лондаҥҥа айаҥҥа туруммуттара. Кинилэр кулун тутар 13 күнүгэр Томпо сиригэр-уотугар тохтообуттара. Хаандыгатааҕы бэтэринээринэй пуун үлэһиттэрэ аттар туруктарын көрдүлэр, туйахтарын эрбээтилэр, ыраастаатылар, баастарын эмтээтилэр. Дьиэ кыылларын туруктара этэҥҥэ.
Кулун тутар 16 — 17 күннэригэр Таатта улууһун бэтэринээрдэрэ көрдүлэр, анал аптечка туттардылар.
Кулун тутар 18 күнүгэр сарсыарда 10 чааска Баайаҕа олохтоохторо Дугуйдааннаах Мичили Моҕол Ураһа таһыттан атаардылар, Борис Неустроев – Мандар-Уус алгыстаата.
