24 Тохсунньу 24.01
  • -48°
  • $ 73,82
  • 83,32

«Лихач» Конторских хаайыыга барда

17:20, 16 февраля 2017
Текст:

Бүгүн, олунньу 16 күнүгэр, Дьокуускай куорат федеральнай суута дьону аймаабыт биир холуобунай дьыалаҕа бириигэбэр таһаарбытын туһунан edersaas.ru таҕыста.


Суут быһаарбытынан, 2016 сыл муус устар 22 күнүгэр Дьокуускай куоракка чааһынай харабыллыыр тэрилтэҕэ суоппарынан үлэлиир 28 саастаах Алексей Конторских «Toyota Hiace Regius» массыынатынан Орджоникидзе уулуссатыттан Лермонтов уулуссатын диэки айаннаан иһэн, П.Алексеев уулуссатыгар суол быһылаанын таһаарбыт.

Маныаха П.Алексеев уонна Поярков уулуссаларын быһа охсуһууларыгар светофор бобор бэлиэтэ умайбытын аанньа ахтыбакка, олус түргэнник көтүтэн иһэн, хаҥас диэки салайан иһэр «УАЗ-396255-025» массыынаны өйдөөн көрдөр даҕаны, кыайан тохтообокко, уҥа диэки салайан, тротуарга ойутан тахсан, оптуобус тохтобулугар турар дьону түҥнэри көппүт.

Ол түмүгэр, икки киһи ыарахан эчэйиини ылбыт, оттон 12 саастаах Коля Бурцев сырдык тыына тута быстыбыт…

Бу оҥорбут ыар буруйун иһин суут кинини баара-суоҕа 3 сыл 2 ыйга көс-холуонньаҕа көҥүлүн быһарга уурбут. Итиэннэ 3 сылга уруулга олорор быраабын быспыт.

Бириигэбэр сокуоннай күүһүгэр киирэ илик, өрүттэр ааһыныахтарын сөп.

Бу туһунан СӨ Борокуратууратын пресс-сулууспата иһитиннэрдэ.

0
0
Тутаах тыллар
24 января 24.01
  • -48°
  • $ 73,82
  • 83,32