Саха сирин сүүмэрдэммит хамаандатын лидерэ Лев Павлов быйылгы сылын Красноярскайга буолбут Дмитрий Миндиашвили аатынан Россиятааҕы турнирга кыайыынан түмүктээтэ. Ол туһунан хамаандалары бэлэмниир киин иһитиннэрдэ, суруйар ЯСИА.
Красноярскайга кини Александр Кочевойу (5:1), Егор Явловскайы (2:0), Матвей Куртуковы (10:0) кыайталаата, онон 57 кг диэри эрэллээхтик финалга тахсар.
Кыһыл көмүһү былдьаһыыга саха тустуугар норуоттар ардыларынааҕы кылаастаах спорт маастара Артур Чебодаев тахсар. Ити эрээри манна да Павлов бастыҥын көрдөрөр, ахсаан 3:1.
