Ленскэй оройуон Хотугу Нүүйэ нэһилиэгин таһыгар массыына суолун уонна өрүс таһыгар нефть тохтубутун буллулар. Тустаах уорганнар бэрэбиэркэни тута ыыттылар, буруйдааҕы булан эппиэтинэскэ тардыахтара.
Экология министиэристибэтэ СИА-ҕа иһитиннэрбитинэн, нефть бордууктатын тоҕооһун чахчытынан суһал бэрэбиэркэ ыыттылар. Нефть почваҕа тохтубутун быһаардылар, арахсан, ууга нефть бородууктата көстүбэтэ. Буруйдааҕы быһаардылар, киниэхэ ыйыы- кэрдии бэриллиэҕэ. Маны таһынан, хоромньуну толуйууга уонна содуллары туоратыыга эмиэ эппиэккэ тардыахтара.
Бэлиэтээн эттэххэ, социальнай ситимнэргэ видео тарҕаммыта, онно олохтоохтор өрүс аттыгар нефть тохтубутугар долгуйалларын биллэрбиттэрэ.
