Ленскэй оройуонугар Ньүүйэ өрүһү туоруур муоста хапытаалынай өрөмүөнэ 2023 сыл төрдүс кыбартаалыгар түмүктэнэрэ былааннанар. Билигин муоста 33% бэлэмэ буолла.
Муоста тутуута бүтэн, подходтары кута сылдьаллар. Балаҕан ыйын бүтүөр диэри Улан- Удэстальмостар собуоттарыттан тутууга туттуллар тимирдэри аҕалыахтара, алтынньы иккис аҥарыттан кинилэри монтажтарын саҕалыыр былааннаахтар.
Асфальт бүрүөһүннээх эбийиэк уһуна 1,75 км., ол иһигэр муоста – 183,39 пог. м.
Санатан эттэххэ, Ньүүйэ өрүһү туоруур муоста 1960- с сылларга тутуллубута уонна ол кэмтэн хапытаалынай өрөмүөн оҥоһулла илик. «Куттала суох хаачыстыбалаах суол» национальнай бырайыак чэрчитинэн, былырыын күһүҥҥүттэн эбийиэги саҥардан эрэллэр.
