Ыам ыйын 11 күнүгэр киэһэ Ленскэй куорат аттыгар Өлүөнэ өрүскэ муус барыыта саҕаланна, диэн оройуон дьаһалтата иһитиннэрэр.
Түөрт чаас иһигэр куорат уутун таһыма 150 см таҕыста уонна 771 см буолла. Кутталлаах бэлиэ — 1760 см. Муус хойуутук барар.
Ленскэй оройуонун ЕДДС иһитиннэриитинэн, муус өрүскэ оройуон киининэн ааһар.
Витим уонна Пеледуй бөһүөлэктэргэ уу таһыма кутталлаах бэлиэлэри ааспыта, билигин түһэр. Бүтэһик көрдөрүүлэрэ Витимҥа 650 см, Пеледуйга 955 см буоллулар.
Үлэ үрдүк бэлэм эрэһииминэн тэриллэр. Кытыы зона олохтоохторугар официальнай иһитиннэриилэри кэтээн көрөргө уонна куттал суох буолуутун дьаһалларын тутуһарга сүбэлээтилэр.
Сааскы халаан уутун ааһыытын ЯСИА саайтыгар онлайн кэтээн көрүөххэ сөп.
