Россия ЫБММ Саха сиринээҕи управлениетыттан иһитиннэрбиттэринэн, Өлүөнэ өрүс мууһун алын бүүрүгэ Ленскэй оройуонугар Крестовкай гидропуост таһыгар кэлбит. Өрүс уутун таһыма 697 см, оттон 1167 см үрдээтэҕинэ, тыҥааһыннаах быһыы-майгы үөскүөн сөп. Муус хойуутук устар.
Муус үөһээҥҥи кырыыта — Витим таһыгар. Уу таһыма 211 см. Манна 957 см.буоллаҕына, ыксаллаах быһыы-майгы буолуон сөп.
Нүүйэҕэ муус алын кырыыта Ленскэй Орто Наахаратын аттыгар баар, оттон үөһээҥҥи — Комака гидропуост таһыгар.
Амма үөһээҥҥи бүүрүгэ Таатта улууһун Харбалааҕар баар, уу таһыма 672 см.
Алдан өрүс мууһун алын кырыыта Уус Маайа Эльдикан бөһүөлэгиттэн 15 км аллараа баар. Оттон үөһээҥҥи – Угино бөһүөлэк аттыгар.
Өлүөнэ өрүскэ, Алдаҥҥа, Бүлүүгэ, Дьааҥыга муус алдьанна. Халымаҕа, Индигииргэ муус турар.
