Өлөөн өрүскэ уу таһымнаабытынан, Өлөнүөк уонна Харыйалаах сэлиэнньэлэригэр муосталары уу ылбытынан, Өлөөн улууһугар ыам ыйын 23 күнүгэр күүһүрдүллүбүт бэлэм эрэһиимэ олохтонно.
Оройуон дьаһалтатын пресс-сулууспата суруйбутунан, быһаарыыны улуустааҕы ыксаллаах балаһыанньаны сэрэтэр уонна туоратар хамыыһыйа ылынна. ЕДДС информациятынан, Өлөнүөккэ Туманнаах үрэҕи туоруур муостанан айан сабылынна, бу балыыһа таһыгар.
«Сардаҥа» хаһыат иһитиннэрэринэн, онно дьуһуурустуба олохтонно.
