Бэнидиэнньиккэ, от ыйын 15 күнүгэр, Өлүөхүмэ уонна Алдан улуустарыгар зондировщик сөмөлүөтү көтүтүү былааннанар.
Як-40 сөмөлүөт былыттаах күн буоллаҕына, ойуур баһаарын умуруорууга искусственнай ардаҕы түһэриигэ үлэлиэҕэ. Барыта Як-40 сөмөлүөт 19-та көппүтэ, оттон Ан-26 – 20. Зондировщиктар үлэлээбит улуустарыгар сөҥүү түспүтэ. Саха сирин географическай тутула уһун кэмнээх сөҥүүтэ суох күннэр туралларыгар тиэрдэр. «Үс нэдиэлэ ардаҕа суох күн турдаҕына, тыабыт буорах буочукатыгар кубулуйар», — диир тыа хаһаайыстыбатын наукатын хандьыдаата, геология уонна айылҕаны туһаныы институтун научнай үлэһитэ Александр Иванов.
